Arbedwch y dyddiad: Digwyddiad Ymwybyddiaeth FGM 6 Chwefror 2025

Mae’n bleser gennym eich gwahodd i ymuno â ni yn ein digwyddiad cyfnewid gwybodaeth blynyddol ar Anffurfio Organau Cenhedlu Benywod (FGM) a gynhelir ar 6 Chwefror 2025 rhwng 9am a 13:00pm yn Neuadd Brangwyn, Abertawe. Mae hwn yn un o ddiwrnodau rhyngwladol Dim Goddefgarwch i Anffurfio Organau Cenhedlu Benywod y Cenhedloedd Unedig, cyfle i godi ymwybyddiaeth o’r math hwn o drais yn erbyn menywod a merched yn ogystal ag ystyried y cynnydd tuag at ddileu FGM.

Mae dros 230 miliwn o fenywod a merched ledled y byd wedi dioddef FGM, sef cynnydd o 15% yn nifer y goroeswyr, yn ôl adroddiad UNICEF, Mawrth 2024. Amcangyfrifir bod nifer y merched sydd mewn perygl o FGM yn debygol o godi i 4.6 miliwn erbyn 2030 sy’n cyfateb i bron i 4.4 miliwn o ferched sydd mewn perygl yn 2024, sy’n cynrychioli 12,000 o ferched yn risg bob dydd (UNFPA, 2024).

Mae Anffurfio Organau Cenhedlu Benywod (FGM) a elwir hefyd yn 'dorri' yn cynnwys yr holl weithdrefnau sy'n newid neu'n achosi anaf i organau cenhedlu benywod am resymau anfeddygol. Mae FGM yn achosi canlyniadau tymor hir a byr i ddioddefwyr gan gynnwys artaith seicolegol, codennau a gwaedlif (WHO, 2023).

Bydd agenda’r digwyddiad yn cael ei rhannu ar ein gwefan yn nes at amser y digwyddiad. Edrychwn ymlaen at eich gweld ar 6 Chwefror 2025.

I fynychu, anfonwch RSVP i publicity.event@bawso.org.uk a gwiriwch ein Eventbrite i gofrestru.