Prosiect Cymru o Blaid Affrica 2022

Mae Bawso yn gweithredu prosiect yn Kenya, Affrica mewn partneriaeth ag Asiantaeth Datblygu Partneriaid Cristnogol (CPDA) a ariennir gan Lywodraeth Cymru drwy Ganolfan Gweithredu Gwirfoddol Cymru (WCVA), rhaglen Cymru o Blaid Affrica. Nod y prosiect yw creu ymwybyddiaeth yn y gymuned ar drais yn erbyn menywod a merched. Mae'r prosiect yn gweithio gyda merched ifanc sydd mewn mwy o berygl o drais gan deuluoedd, cyfoedion a'r gymuned. Mae'r prosiect yn meithrin gallu merched ifanc rhwng 12 ac 20 oed sydd wedi rhoi'r gorau i'r ysgol yn gynnar oherwydd beichiogrwydd. Mae Cymru o Blaid Affrica yn helpu merched i ailadeiladu eu bywydau drwy ddysgu sgiliau TG ac yn defnyddio cyfryngau cymdeithasol i godi ymwybyddiaeth am drais yn erbyn menywod a merched.

Mae ein partneriaid (CPDA) yn defnyddio adrodd straeon a gwahanol fathau o gyn-gelfyddydau i newid meddylfryd a chanfyddiadau pobl am drais ar sail rhywedd.

Yng Nghymru, mae Bawso yn gweithio gydag ysgolion i godi ymwybyddiaeth o drais yn erbyn menywod, cam-drin domestig a thrais rhywiol. Mae’r sesiynau rhyngweithiol hyn yn hysbysu pobl ifanc yng Nghymru am bob math o drais yn erbyn menywod a merched ac yn hybu perthnasoedd iach.

I gael rhagor o wybodaeth am y prosiect hwn, anfonwch e-bost atom: info@bawso.org.uk